الاثنين، 12 سبتمبر 2011

بِحُبَّك يا وطنى أنا شاعر

بِحُبَّك يا وطنى أنا شاعر

مشاعرى يا ناس شىء جميل ..
شعور نبيل ..
جوايه حاسُّه

شىء موجود جوايا ..
مولود معايا ..
نبضه فى قلبى قادر أجسُّه

شىء محتوينى ..
وأنا بحتويه ..
بكل ما فيّا بحميه ..
من كل من يحاول يقربله أويمسُّه

شىء تقدروا تشوفوه بعنيكم ..
لمّا فى عينيّه تبصُّوا


أصل ده الوطن ..
كبير قوى مقامه ..
عالى فى قلبى مكانه ..
وهي دى مشاعرى ناحيته ..
ماهوش كلام بازَوَّقه أو بارصُّه

بِحُبَّك يا وطنى أنا شاعر ..
كلى مليان مشاعر ..
بعبرلك عن مشاعرى ..
بأبيات شعرى ..
وباللى بروحى وعقلى وكيانى باحِسُّه

***

ده وطنى حبيبى ..
الغالى عليّا ..
بأرضه وسماه وأهله وناسه


ده وطننا يا أهلى ..
اللى كل واحد مننا لازم يجعله فوق راسه


ده مش بس واجب علينا نعمله ..
ده شىء لا بد ينبع من كل واحد بإحساسه


ده شىء بينبع من جوه قلبك ..
ما بيفرضوش عليك الوطن بجيشه وحراسه


حب الوطن واجب بعَلمُه لابنى ..
يحفظه فى عقله .. يحبه بقلبه ويكتبه فى كُرَّاسُه


***

أصل عارفين لمّا البنت والولد ..
يحبوا البلد ..
هايحصل إيه ؟


هايخلصوله ..
ولمّا يخلصوا ..
هايعملوا كل اللى يقدروا عليه


هايشتغلوا شغل من نار ..
ليل ونهار ..
ويعلوا بينا وبيه


هايصبروا رغم الألم ..
ويتعلموا لاجل الأمل ..
اللى كله خير لينا وليه


هايتقدموا ..
والوطن قدامهم ..
مستقبله فى عيونهم ..
مش باصِّين لماضيه


ها يخلُّوا مصر أم الدنيا بِجد ..
ويخلُّوا كل حد ..
يقول ..
هوه ده المصرى .. بُصُّوا عليه

محمد نبيل

هناك 6 تعليقات:

  1. كلمات جميلة ورقيقة في حب الوطن ..

    ربنا يحفظ لنا أوطاننا يارب ..


    طاب مساؤك .

    ردحذف
  2. قيل الكثير في حب الاوطان ، فحبه إيمان
    بوركت و حفظ الله لك بلدك
    سلام

    ردحذف
  3. وجع البنفسج ..
    اشكر لك زيارتك العزيزة للمدونة وأدعو الله معك أن يحفظ أوطاننا ويحرر جميع أراضيها.

    ردحذف
  4. إن كل أرض عربية هى أرضى , ووالله إنه وحده من يعلم كم أحب وطنى العربى الكبير بكل شعابه وشعوبه.
    شكرأ أخى عبد الحفيظ.

    ردحذف
  5. نصّ رائع في روعة صاحبه ،، حب الوطن من الفضائل و التغنّي به و بحبّه رائع ،،،

    تحياتي

    مدونة الزمن الجميل/ الجديد:التدوين تحت الوصاية !

    ردحذف
  6. حب الوطن واجب يفتقد الكثيرون إلى الإحساس الصادق الواعى به.

    إطراءٌ كريم من أخٍ كريم ..

    شكراً أخى منجى.

    ردحذف

ليس أجمل من زيارتك الكريمة .. سوى تفضلك بالتعليق
فهذا مما تزداد به أُخوتنا فى الله .. والعمل لما فيه رضاه